النكتة الأولى
مزطول دخل متحف حرك مزهرية و طيحها تكسرت .قالو مسؤل المتحف ...واش درت يا جدك هادي راها من القرن الثامن عشر ؟
رد عليه المزطول
خلعتني الله لا تربحك أنا حسبتها جديدة !!!!!!!
النكتة الثانية
فرنسي ودزيري دخلو للمطعم ياكلو
.
الفرنسي دوموندا سمك وكوكا كولا.
الجزائري دوموندا بوزلوف وكوكا كولا
الفرنسي كلا الحوت تاعو وشرب الكوكاكولا تاعو وزاد كمل شرب الكوكاكولا تاع الجزائري.
قالو الجزائري (علاه؟)
..
قالوالفرنسي
(السمك حاب يسبح).
.
ضربو الجزائري بدماغ.
قالو الفرنسي (pourquoi ؟).
.
قالو الدزيري (البوزلوف حاب ينطح)
النكتة الثالثة
قالك فرنسي لقا مصباح السحري
..
حكو قالو شبيك لبيك لي تتمنى بين يديك.
.
قالو حاب تحاوزلي قاع الجزائريين لي في فرنسا.
....
الجني قالو :
.
.علاه عليك خويا كاش ما درنالك
النكتة الرابعة
كي يتجرح CD البلاي ستيشن لدى أي شخص بالعالم
- الأمريكي: يرميه و يشري وحد آخر
- الفرنسي :يرميه و يشري وحد آخر
- الألماني: يرميه و يشري وحد آخر
- الاسباني :ييرميه و يشري وحد آخر
وصلنا للجزائري :
1- يبزق عليه و من بعد يمسحو فسروالو و يطّلعو ناصع البيّاض
2-يقرا عليه الفاتحة و أية الكرسي و المعوذتين ويستغفر 100 مرة
و يقعد يقول ياربي يخدم ياربي يخدم.
3- يحرك البلاي ستيشن يمين ويسار،
4- يدّخل الـ CD ودير رحو مايشوفش للبلاي ستيشن وهو يشوف بنّص عين يقول ياربّي ياربّي يخدم...
وفلخر كيف مايخدمش من هنا تبدأ سيريات الكفر والتطياح ,, لاداعي للخوض في التفاصيل
النكتة الخامسة
دخلت قطة و بدات : ميااااو مياااااو
شاف المزطول فالبوشي و قالوا أعطيها نص كيلو كبده
القطة كلات الكبده وعاودت : ميااااو مياااو
المزطول قال للبوشي زيدلها نص كيلو لحم
عطالها البوشي اللحم
المزطول رفد روحو و خرج لحقوا البوشي قالو .. يا السيد يا خو وين راهم دراهم الكبدة و اللحم
شاف فيه المزطول و قالو و علاش نخلصك ؟
كنت نترجملك واش كانت تقول القطة هذا ماكان
الرئيسية 
البلد
الجمعة يناير 25, 2013 2:58 pm
