nezha maroc
..:: عضو ذهبى ::..
الجنس : 
مشاركاتى : 324
نقودى : 964
سمعتى : 1
عمرى : 36
التسجيل : 21/11/2013
 |  موضوع: لفلفل معمر بالكفتة و الروز  الجمعة نوفمبر 22, 2013 6:49 pm | |
| لفلفل معمر بالكفتة و الروز - اقتباس :
السلام عليكم .فالاول كنغسلوا الفلفل مزيان و نقيواه من داخل نحيدولو البذور فحال هاد الشكل و نخليوهم على جنب .
دابا ندوزا ن الحشوة كنحتاجوا ربع كيلو من الكفتة زلافة د الروز(ماشي مسلوق) بيضة واحد ساشي د الزعفران واحد ماطيشة كبيرة واحد البصلة كبيرة شوية د المعدنوس ملعقة صغيرة د الفلفل حمرا .شوية د الملح و الابزار .
.فواحد جبانية كنحوكو ماطيشة و البصلة و نضيفو المقادير كاملين البيضة و الكفتة و زلافة د الروز و المعدنوس مدقدق و التوابل .
.كنخلطو كلشي مزيان حتى كتجانس المقادير كلها .
.ها الحشوة واجدة كنعمروا الفلفل ديالنا فحال هاد الشكل .
دابا ندوزو ن لاصوص د ماطيشة اللي كترافق الفلفل معمر كنحتاجوا 6 د ماطيشات كبارين 3 ضروس د الثوم شوية د المعدنوس ملعقة كبيرة د صلصة د ماطيشة شوية د صلصة د solis ملعقة صغرة د الفلفل حمرا ملعقة صغيرة د الكيمون ملح و ابزار .كويس صغير د الزيت الزيتون .
.كنحوكو ماطيشة هي و الثوم و ندقدقو المعدنوس نضيفو التوابل و الزيت الزيتون نعملوا كلشي فشي طنجرة صغيرة على نار هادئة .
.نخليوها تشحر مزياان بلا منزيدولها الماء باش تلبى فحال هيدا .
.من بعد متشحر لاصوص كنزلو الفلفل ديالنا ف ديك طنيجرة و نزيدوا شوية د الماء و نغطيوها نخليواه يطيب واحد 20 دقيقة .
.و ها هو ملي طاب .
.كندوزو ن المرحلة د الفران كنحوكو واحد شوية د الجبن الاحمر .
.كنشبرو الفلفل ديالنا و كنزلوه ف شي مول ديال الفران هو و لاصوص د ماطيشة و كنزوقوه بالجبن فحال هاد الشكل .
.كندخله الفران يتحمر و ها هو الشكل النهائي ديالو. | |
|
malakwab
..:: أدارة المنتدى ::..
الجنس : 
مشاركاتى : 2962
نقودى : 5068
سمعتى : 14
عمرى : 25
التسجيل : 04/05/2012
العمل/الترفيه : مبرمج
| |
