منك بس خبر واحد وردنة
بنص الكلب خضرنة وردنة
ام الخير ردنالك وردنة
تجينة اتشوفنة ونكعد سوية
==================
أجيت أنشد كلام إلكم من الظيم
وأحجي مابدلالي من الظيم
أحبابي الجنت ألوذ إلهم من الظيم
جفم ياحسرتي واقطعم بيا.....
======================
أحبابي شلون حالتكم بعدنا......
شبدينا والوكت عنكم بعدنا........
إذا إنتم نسيتم أحنا بعدنا.............
بذكركم كل صباح وكل مسيا........
====================
هسه هم بيدك جرح جايب جديد»»»»»
وين احطه وجسمي قبط من زمان»»»»
راصفتهن بيدي لجلك جي عزيز»»»»»
عيب افشلك لازم الكالك مكان»»»»
=====================
الحد الان ساكت ما اسولف بيك
لان كول ما اسولف يدمع اللساني
وما بجاني واحد وانت تدري بهاي
بس لمن عفتني ألبعد بجاني
بدلت شريان كلبي وكلت انساك
ومدري شلون حبك هم اجاني
جبت واحد ابدالك حتئ انساك
نسيت الاول لكيتك صاير الثاني
=====================
يالشايل حسن ما ينحمل فدنوب ..
تايه بيك افكر ما نمت ليلي ...
و عنك لا تظن تحجيلي بس الناس ..
مره اخرس لزمني و ساعه يحجيلي ..
======================
امخبل من صدك لتگلي چذاب ...
و اخبال العقل انت سببها ...
و بحبك من طحت صرت ارقه مجنون ...
و عشيرتكم شلع كلها أحبها ...
==================
انا ادمنت عليك من ورى عطرك الاشمة
ونسيت حتى الهوى الجنت بالماضي اشمة
اذا ماصدقت اقطع شرياني وخذ دمي وشمة
اذا ماتلقة عطرك اعتبر حقك علية
==================
عليك الدمع من دم جار مني
وعذول من البواجي جار مني
آريدك كون تصبح جار مني
واظل مقابلك صبح ومسيا
================
وحق الخالق الدنيا..والك وان
الغيرك مايون گلبي ولك ون
الگلب عاف الجسدگتله ولك وين
گال امشي الحبيبي الگطع بيه
=================
حطني حزام بالشده ظهرلك
اكلبه الليل لو غثك ظهر لك
اكص لساني لوشينه ظهرلك
اظل اخرس ولاتصيبك اذيه