ياخذني الخجل

ياخــذني الخجــل كــلما أســولف بـــيك
وأحـــتار شأگـول وأحچـي عن شخصك
ثلــج ونـــار إنـــته والجـمـعـهـن بـــيك
عــــن كـــل البشر من صورك خـصـــك
جــمع كـلشي بحـلاك ودوخ الصوبـــين
وجــيل لجــيل قــصة الــوادم تـــقــصك
بياض النور جسمك والشعــر چــن ليل
ونــصك گـمــر صاير والشمس نـــصك
عجيبه أنته بجمالك تمشي فوگـ الگـاع
ومــا عجـــزت لغـــاتي وفــسرت نصك
آلــه الكـــون بيك إنته إخـتـصر بستان
واظـــن مــن الشــمع هالقالب الگـصك
خــوخ وخــالـــقي وتــين أورد رمـــان
وطـــولك جـذع نخلة من الخصر رصك
وياصـــياد يلــحگ حـسـنك إمـن يصيد
إنــته يــصـــيد حــتى بـلا طـعـم شصك
ومــن گــــد ماســحـر بشـفايفك مـدفون
حــلگـك شــفته كــض شفايفـه ومـصك

موضوع رائع بوركت