.الشوق
الشوق عذبني وسبب لي احراج
بين اخوياي وبين كل الربوعي
من عيني اللي يمتلي بير هداج
منها ليا هلت علي الدموعي
واصيح باعلى صوت واسوي ازعاج
للي معي من حري وزود روعي
وان كان قالو ياولد ويش محتاج
حسيت انا سكين بين الضلوعي
اخاف اقول اسمك ويسمعه هراج
ونصير هرجه في فمه للسموعي
وما عاد فيها اليوم مدخل ومخراج
اصبحت انا ملك لحسين الطبوعي
يالله يارحمن بيديك الافراج
جعل الفراق اللي حصل للرجوعي.